صح انه الحريم لغز

هو : أبغى أطلب بيتزا .. تبغي شي ؟

هي : لأ

هو : طيب

هي : و لا أقولك ..؟

هو: هاه .. تبغي أطلب لك كمان ؟

هي : والله مدري مني عارفة !!

هو : مو عارفة إذا تبغي شي ؟ ولا ما تبغي !!

هي : لأ

هو : انتي جيعانة ؟

هي: يعني ..

هو : إيش يعني يعني ...؟

هي : يعني معناها ماني متأكدة إذا كنت جيعانة أو لا .

هو : الواحد لما يكون جيعان يعرف

هي : مهو يمكن أجوع بعدين

هو : معناها اطلب لك بيتزا

هي : طيب و إذا ما كنت جيعانة وقتها..؟

هو : لا تاكلي

هي : بس كده يكون تبذير

هو : طيب ... تاكليها بكرة

هي : و إذا ما كان لي نفس آكل بيتزا بكرة ؟

هو : هادي ما يبغالها نفس .. الواحد يقدر ياكل البيتزا كل يوم

هي : أنا لا .. ما آكل بيتزا إلا لما يكون عندي نفس للبيتزا

هو : معناها بطلب لك شي تاني

هي : بس أنا ما أبغى شي تاني

هو : يعني تبغي بيتزا ؟

هي : لأ

هو : يعني ما تبغي شي ؟

هي : إلا أبغى ...

هو : جننتي سمايا .... انطقي ... إيش تبغي ؟

هي : اطلب انته لحالك..

هو : أخيرا .. ماشي ..

هي : بس اطلب بيتزا بالتونا

هو : بس أنا ما أحب التونا

هي : بس أنا أحبها

هو : هو أنا حاطلب لي و لا لكي ...؟!

هي : لك طبعا

هو : طيب و ليش بالتونا. ..؟

هي : يمكن أجوع لما يوصل الأكل

هو : و إيش يعني ؟

هي : بالله ؟!! إيش يعني .. إنته فاكر إني حآكل شي ما يعجبني ؟

هو : ليش هو انتي تبغي تاكلي ؟

هي : ليش لا ؟

هو : يا مثبت العقل و الدين .. دحين أنا لازم اطلب بيتزا لي , عشان انتي تاكليها إذا كنتي جيعانه ؟؟

هي : بالضبط

هو : و أنا إيش آكل ؟

هي : مهو يمكن ما أكون جيعانة...


اوفق بين الذكر و الأنثى هههههههههه

لاحد يزعل ^,^

منقووووووووول

الله يعين من الحريم يدوخن الراس

لحريم كوم والرجال كوم اخر
الله يصبره عليها
تسلمي

صح انه يدوخون الراس

هااهاها
الله يعين

الله يعينكم جميعا


يسلمووووا ع المروووور

هههههههه حلوه

شكرا لمرورك

ها ها هاها والله حلوة عجبتي